حرام تطيح من عينك على شان الزمن دمعـه

حرام تطيح من عينك على شان الزمن دمعـه

تبسم واترك جروحك على جنب الزمن وارتاح
حرام تطيح من عينك على شان الزمن دمعـه

انا برجوك لاتزعل ولاتزيد الجـراح جـراح
تبسم واترك جروحك على شانـي بلارجعـه

انا ادري صعب لو تنسى ولاكن الامل ماراح
ولو راح الامل يبقى في تالي من الالم متعـه

ابيك اقوى من عنادي ولو جاك الكلام رمـاح
وابي تشعل من جنونك على طاري الغلا شمعه

وابي تذكر ليالينـا ليالـي شوقنـا الفضٌـاح
وابي تسهر على شاني وتذكر ليلـة الجمعـه

ابي تذكر الى منه كمـل بـدر الجنـون ولاح
اجي وتسابق جنوني خطاوي شوقي السرعـه

كأن الروح بغيابـك بقايـا ساكنيهـا اشبـاح
وكأن القلب من بعدك غريق ويطلب الفزعـه

احبك والغلا يترجم جنونـي والغـلا ذبـاح
غرامً يكشف شعور الجنون ومسألـة وضعـه

كتبت الشعر لعيونك لقيتـك للقصيـد وشـاح
لقيتك روعة حروفي سوالف عشقـي ونبعـه

ابيك اقوى من جروحك تحدى هالزمن وارتاح
لان الدنيا ماتسوى على شان الزعـل دمعـه

الدمع ماهـو عيـب رح علـم إللـي
يقـول عمـره مـا بكـى فـي حياتـه
الدمـع مـا يقطـع صـلاة المصـلـي
والضحك مثل أبليس يقطع صلاته

:

ujh:

إن الدموع تغسل بعض الوجع
ويزول معها بعض ما نشعر به فهي تواسينا أكثر من أي قريبٍ أو صديق وفي كل وقتٍ أحتجنا لها نجدها
ويكفي أنها تشعر بحجم أوجاعنا وكريمة معنا حد الغزارة
( الدموع رحمة القويّ على عبده الضعيف )
لا تحبسها خلف قضبان صدرك فقد يكون السبب ( ما يستاهلها ) ولكن اطلق لها العنان لأجلكِ أنت