كيف يسقط طالب التوجيهى؟؟

iتنبع اهمية التوجيهي (امتحانات الثانوية العامة ) الى انها خاتمة 12 سنة قضاها الطالب في الدراسة والاجتهاد (اكيد مش الكل ) ولاجل هذه الاهمية الكبيرة للتوجيهي وبما انه مرحلة انتقال الطالب من المدرسة الى الجامعة تبدأ الضغوطات على الطالب من كل جهة وهي كما يلي :
الله يستر

اول شيء من الصف الحادي عشر وفي اختيار الادبي والعلمي اذا رحت ادبي بتريح راسك من حكي الاساتذة وبتتريح واذا رحت علمي بدك تتحمل كل شوي كلام لكل الصف انتو اكيد راح تسقطو انتو مش شكلكم راح تنجحو في التوجيهي (وهاد الكلام لكل الصف بما فيهم الاول والاخير الشاطر والي ماخذ غفوة ) ..........بما معناه بدء تدمير الروح المعنوية للطالب ووضعه على اول طريق السقوط

محمدلله مش دايما كنت اسمع هالحكي
بس باقي الطلاب يسمعوو لانه الاستاذ كان دايما يطرني لبرة الصف


تاني شي هو بعد ما تخلص الصف الحادي عشر وبدل ما تريح مخك شوي وتتنفس وتعطيه وقت لحتى يقدر على استيعاب معلومات جديدة بتبلش تاخذ في دورات تقوية اشي رياضيات اشي انجليزي وفيزياء وكيمياء وكل مواد التوجيهي وعلى هالحال يا حسرة طول الصيفية دراسة وختم الكتب وحفظ ولا تتطلع ولا تتنفس ....... بما معناه اغلقت اي فرصة المخ فيها يرتاح شوي ومشيتلك كم خطوة على طريق السقوط

بس والله عملنا صداقات حلوة
تالت شي اجى وقت المدرسة وانت داخل عليها بكل همة ونشاط وضامن حالك انك حافظ الكتب من الجلدة للجلدة (لا تنسى الصفحات الي بينهم مش تحفظ الجلدات وبس ) فبجيلك استاذ بخليلك انو التوجيهي هو كأنه اختراع الطاقة النووية وبسكرها بوجهك من جميع الجهات وببلش على شوفو هالمساعدات واقرأو هالمجلدات ولا تنسو هدول الكتب الاضافية ويا الله هاد توجيهي شو مفكرينو مسخرة جايين تتسلو انتو عندي ( يا عمي ما طول الصيف هالطالب المسكين بقرأ وانت وين ؟؟ انت قاعد على التلفزيون بتقلب بالمحطات ) ...... بما معناه انه الطالب راح يشعر انه كل دراسته هباء وراح يبلش يفقد الثقة في نفسه وابسط يا عم انت هيك في نص الطريق الى السقوط

الحمدلله كنت امزع جلدة الكتاب اول السنة مشان لا انلخم

رابع شي هالطالب المسكين اول شهرين من المدرسة بجيب علامات عالية ودايما فاتح هالكتاب وبيقرأ وبيحل حتى في احلامو بحل في معادلات وبيعرب في بلاغة ونقد والى اخره وبيكون على هالحالة اول شهرين تلات شهور وبعدين بتخلص طاقة التحمل والتفكير ........... بما معناه بيستنفذ كل طاقته الدراسية في هالشهرين ويا عيني قربت كتير على حفة السقوط

انا نجحت بالمدرسة بطلوع الروح لاني ما كنت ادرس

خامس شي بما انه من طبع البشر انو راسهم يكبر اذا نفشهم حدى بالمدح او بالاهتمام فطالب التوجيهي المسكين راح يغتر في حاله من امه وابوه وعيلته والجيران والحارة والبلد وهنن على دعوة الله ينجحك انت في التوجيهي والله يوفقك ويصبرك ( وهاي دعوات منيحة ) بس لما توصل للعيلة ممنوع حدى يقرب عليه من اخواته لأنو بيقرأ ممنوع حدى يزعجه طلباته كلها مجابة وواصلة لعنده وبصيب هالطالب المسكين الغرور لكمان شوي ناقص يعلق على باب غرفته (VIP ) ....... بما معناه المسكين ما عاد شاف حدى قدامه ويا دوب باقي له شعرة حتى تزل قدمه نحو السقوط

عكسي تماما لاني بكيف بس حدا ييجي عنا
هؤهؤ حجة ما ادرس
سادس شي في المدرسة ببلش يطنش في الدروس ( معاه حق ما هو زهق اسمه في اول شهرين ) وببلش مش فارقة معاه بس تيجي الامتحانات بقرأ هالدكتوراة وبجيبها وعندك على طلعات وسهر على التلفزيون ومن هالحكي .......... انتبه انتبه انا ماسكك ولا انت اكيد وقعت نحو السقوط

انا طنشت دروس وانا مش دارس
بس بقلك حط راسك بالتوجيهي وقول يا قطاع الروس

سابع شي اجى وقت الامتحانات النهائية الدنيا كلها كأنها ضاربتها كهرباء الي عندو ولاد في التوجيهي والي ما عندو كل البلد منقلبة حالها والطالب المسكين الضغوط عليها من كل جهة ومن كل ناحية وهو محصور ياحسرة وين يروح وشو يعمل فببلش يوصل النهار بالليل في الدراسة ويجد ويجتهد وفي ال72 ساعة يادوب ينام خمس ساعات وهيك يا حرام ...... المعنى بصير ماكنة تخزين وتفريغ المعلومات بتتخزن من هون بتروح متفرغة من هون من كثر الضغط ( وانا اخر مرة راح امسكك وبعدها ما دخلني ان وقعت نحو السقوط لانك يا ابني ساقط لا محالة )

حتى الولاد الصغار بيعرفو شو اجا اسئلة وشو المادة

تامن شي وهو مسك الختام (اذا فيها الشغلة مسك ) بتروح على الامتحان وانت مجتهد ومن جد وجد ومن سار على الدرب وصل وكل الكلام ورافع راسك ومتحضر للمعركة مع الاسئلة وعندك خطة هجومية منيحة للاجوبة وضامن النجاح فبتلاقي الامتحان والاسئلة حاطتها واحد نازل من المريخ عمره ما فتح الكتاب الي بتقرأو فيه وبتبلش تحول المعركة ضد معد الاسئلة مش ضد الاسئلة ويا الله بتجاوب على الي بتعرفو والباقي بتخليه ابيض لشو يعني توسخ الصفحة وبصيبك احباط وعند البنات البكى والعياط والنواح ببلش والكل بيغلط وبيدعى على معد الاسئلة وانتو كلكم ساقطين ما في كلام وبتتطلع بعدها النتائج وانتو مبروك عليكم كلكم السقوط والشباب ببلشو بالغلط والبنات الي بتنوح والي بتبكي والي بتغمى والاسعاف شغالة والصحافة بتهاجم طريقة اعداد الاسئلة بس شو الفايدة ما راحت عليك وسقطت بجدارة والف مبروك

انا كنت اروح والي بدو يصير يصيرمش فا
يعني رقة عندي

التوجيهي لو سهلو الضغوط عليه وعاملوه كأي مرحلة ثانية يمكن كتير من الشغلات راح تتغير وبنظري التوجيهي مش مرحلة لقياس اجتهاد وذكاء الطالب لأن التوجيهي وهو مرحلة المفاجئات فيه الكثير من الغرايب فالطالب الي لم يحصل في حياته على التسعين ينالها وطالب التسعين يسقط !!!! ولكن الامل بالله كبير وان شاء الله كل طلاب التوجيهي ينجحو وبمعدلات عالية كمان والاعتدال في كل شيء هو طريق النجاح باذن الله فاعتدلو لا طخو ولا اكسر مخو .........


همه بس يقيمو ضغط الاكل
قصدي الاهل والجيران والعقارب قصدي الاقارب واصحاب المحلات والاساتذة وبصير التوجيهي حلو

تمنياتي لكم بالنجاح والتفوق دائما وشاركونا برأيكم عن اسباب السقوط في التوجيهي

ببساطة الحظ


ودمتم بكل نجاح : ان شاء الله بنطلع منصورين

يعطيكى العافية اختى
علىالموضوع الجميل لرائع والمفيد
باركت جهودك اسمول

my small baby
اسباب الرسوب عديدة ومتنوعة فالطالب يتهم بالاهمال فقد يكون الوضع الاسري سبب مثل ان الانفصال بين الوالدين؛التقصير من بعض المدرسين؛ عدم اخذ دروس خصوصية في بعض المواد لاسباب مادية ؛لفروق الفردية بين عقول الطلبة فالبعض لو توافر له كل شيء لا يحصل النجاح (((((((((((((((((((شكرا)))))))))))